Jurnalistlər Ekstremal Şəraitdə İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Vətənpərvərlik mövzusunda dəyirmi masaların təşkili” adlı layihənin icrasına başlayır.
3 ay müddətində Şamaxı, Masallı, Astara, Biləsuvar, Lənkəran rayonlarında həyata keçiriləcək layihənin məqsədi cəmiyyətdə vətənpərvər və hərbi vətənpərvərlik hissslərinin düzgün aşılanmasına, gənc nəslin hərbi-vətənpərvərlik ruhunda tərbiyə olunmasına kömək etməkdir.
Layihə çərçivəsində qeyd olunan rayonlarının hər birində 1 günlük tədbirlərin təşkili və keçirilməsi planlaşdırılır. Hər tədbirdə gənclər, müharibə əlilləri, qazilər və əhali qrupundan 20 nəfər olmaqla, ümumilikdə 100 nəfərin iştirakı nəzərdə tutulur.
Tədbirlərdə Vətən müharibəsinin qəhrəmanları və qazanılan qələbənin səbəbləri haqda yeniyetmə və gənclərə ətraflı məlumat verilməsi, onlarda hərbi vətənpərlik hisslərinin daha da möhkəmləndirilməsi məqsədilə aşağıdakı mövzularda müzakirələr tətşkil olunacaq;
1. Müzəffər Ali Baş Komandanın ordu quruculuğu və qələbəmizdəki böyük rolu.
2. Vətən müharibəsinin qəhrəmanları heç vaxt unudulmayacaq.
3. Azərbaycan xalqı 44 gün bir yumruq kimi.
4. Vətəni cəsur igidlərimiz- qəhrəman şəhidlərimiz kimi sevməliyik.
Təşkilatçılar layihədən bu nəticələri gözləyirlər;
– Cəmiyyət, əsasən yeniyetmə və gənclər Vətən müharibəsinin qəhrəmanlarını daha yaxından tanıyacaq,
– “Dəmir Yumruq” əməliyyatının iştirakçıları haqqında məlumatlar qəhrəmanlıq nümunəsi kimi gələcək nəsillərə ötürüləcək.
– Gənclərdə cəbhə bölgəsində hərbi xidmət keçməyə maraq artacaq.
– Qəhrəmanların ailələrinə göstərilən diqqət və qayğı hərbçi ailələrinə stimul verəcək.
– Xalqa örnək olan Vətən müharibəsinin qəhrəmanları bütün cəmiyyət üçün ideal nümunə olduğuna görə, onların hər birinin tanıdılması və təbliği yeniyetmə və gənclərimizə əlavə müsbət təsirlər göstərəcək. Onlarda hərbi vətənpərlik və Vətən sevgisini daha da yüksəldəcək.
Keçriləcək tədbirlərin KİV, internet xəbər saytları və sosial şəbəkələr vasitəsilə ictimailəşdirilməsi ölkə ictaimiyyəti arasında bu mövzuya marağı artıracaq.
