İki həftədən sonra Yerin ikinci peyki – “mini-ay” olacaq.
İnterpress.az xəbər verir ki, İspan astronomları bunu aşkar edərək öz məlumatlarını AAS-ın “Research Notes” jurnalında dərc olunan elmi məqalədə paylaşıblar.
Tədqiqatçılar deyirlər ki, sentyabrın sonunda maraqlı bir kosmik hadisə gözlənilir.
Ayın sonuna qədər Yer kürəsinin daha bir peyki – ilin sonuna qədər planetimizin cazibə qüvvəsi tərəfindən tutulacaq kiçik asteroid olacaq.
Planetimizə doğru hərəkət edən 2024 PT5 asteroidi iki ay Yer kürəsinin yaxınlığında qalacaq və “mini-Aya” çevriləcək.
Müəlliflər iddia edirlər ki, 2024 PT5 29 sentyabr 2024-cü ildə “mini-Ay” olacaq. Noyabrın 25-də Yerin cazibə qüvvəsindən azad olacaq və heliosentrik trayektoriyasına qayıdacaq.
Xuraman Etibarlı
İnterpress.az
