Dünyanın ən yaraşıqlı kişi məşhurlarının reytinqi tərtib edilib.
İnterpress.az xəbər verir ki, “Geeks for Geeks” portalı dünyanın ən yaraşıqlı kişi məşhurlarının reytinqini tərtib edib. Müəlliflər ən yaxşısını seçdikləri bütün meyarları açıqlamayıblar. Bununla belə, onlar qeyd ediblər ki, “bunlar öz sahələrinə mühüm töhfələr vermiş, üslub, zəriflik və ilham ikonasına çevrilmiş insanlardır”.
Lady Mail layihəsinin məlumatına görə, Rayan Reynolds ilk 10-luğu açır. Bleyk Layvlinin 47 yaşlı əri və dörd uşaq atası kino karyerasına uşaq ikən başlayıb. Bununla belə, o, komediya janrında olan “Deadpool” (2016) filmində oynadıqdan sonra xüsusi populyarlıq qazanıb.
2010-cu ildə “People” jurnalı Reynoldsu planetin ən seksual kişisi adlandırıb.
Siyahıda ondan sonra Zak Efron gəlir. 36 yaşlı aktyor plastik əməliyyatla bağlı çoxsaylı söz-söhbətlərdən sonra da populyarlığını itirmir. Zak Efron gənclik illərində Brodvay musiqili “Hairspray” filminin səhnələşdirilməsindən sonra şöhrət qazanıb.
O, “High School Musical” filmində oynadıqdan sonra beynəlxalq aləmdə məşhurlaşıb.
Reytinqdə səkkizinci yeri 62 yaşlı Tom Kruz tutub. O, 80-ci illərin əvvəllərində ikinci dərəcəli rollarda filmlərdə oynamağa başlayıb. Toni Skottun “Ən yaxşı atıcı” filmi onu ulduz edib və sonra Kruzun karyerası genişlənib.
Siyahıda növbəti yer “Tor” filmindəki rolları ilə tanınan 41 yaşlı avstraliyalı Kris Hemsvortdur. Kris aktyor ailəsində anadan olub, onun qardaşları Luka və Liam da aktyordur.
2022-ci ilin ən seksual ulduzu adının qalibi Kris Evans bu reytinqdə yalnız altıncı yeri tutub. 43 yaşlı aktyor həm də “Qisasçılar” franşizasında Kapitan Amerika rolunu oynayan superqəhrəman işi ilə geniş ictimaiyyətə tanınıb.
Son vaxtlar Evans filmlərdə daha az fəallaşır, ailəsinə və 27 yaşlı həyat yoldaşı, portuqal aktrisa Alba Baptistaya daha çox vaxt ayırır.
Ən yaraşıqlı aktyorların ilk beşliyini 50 yaşlı hind aktyoru və Bollivudun seks simvollarından biri Ritik Roşan açır.
Və onun arxasında gələcək ata Henri Kavill gəlir.
İlk üçlüyü Devid Bekhem açır. 2011-ci ildə o, dünyanın ən çox maaş alan futbolçusu kimi tanınıb və hazırda 49 yaşlı idmançı biznes layihələri və ailəsi ilə məşğuldur. Devid 25 ildir Viktoriya Bekhemlə evlidir və cütlüyün dörd övladı var.
Robert Pattinson şərəfli ikinci yeri tutub. Gənc ata böyük ekranda debütünü 2004-cü ildə edib – “Nibelunqların üzüyü” filmində kiçik rol oynayıb. Sonra “Alatoranlıq” vampir dastanı olub, indi Robert Dior ilə işləyir və “Betmen” filmində rol alıb.
Dünyanın ən yaraşıqlı kişisinin adı hər kəsə tanış deyil. Reytinq müəllifləri Koreyanın BTS qrupunun solisti 28 yaşlı V-ni (Kim Taehyung) ən layiqli adlandırıblar.
2013-cü ildə yaradılan oğlan qrupu nəinki milli sensasiyaya çevrilə bilib, hətta qlobal səviyyəyə çata bilib.
2023-cü ilə qədər qrupun Ginnesin Rekordlar Kitabına daxil edilmiş 26 aktiv rekordu var.
Xuraman Etibarlı
İnterpress.az
