Çili prezidenti Sebastyan Pinyera maskasız ünsiyyət qurduğu üçün 3500 dollar (5 950 AZN) cərimə ödəməyə məcbur olub.
Bu barədə “Reuters” xəbər verir.
Bildirilir ki, maskasız şəkli mediada yayılandan sonra Pinyera özünü hüquq mühafizəçilərinə şikayət edib.
Qeyd olunur ki, dəniz kənarında gəzərkən bir qadın dövlət başçısına yaxınlaşaraq selfi çəkdirmək istədiyini deyib. Lakin selfi zamanı iştirakçıların heç biri maska taxmayıb. Bununla bağlı foto tezliklə sosial mediada populyarlıq qazanıb.
Çilidə koronavirus pandemiyası ilə mübarizə çərçivəsində insanların çox olduğu yerlərdə və ünsiyyət zamanı maska taxılması ilə bağlı ciddi qaydalar var. Qanunu pozanları külli miqdarda cərimə və hətta həbs cəzası gözləyir.
İnterpress.az
