Azərbaycanlı rejissor Nazim Şərbətovun Şuşaya böyük qayıdış mövzusunda lentə aldığı “28” adlı qısametrajlı filmi beynəlxal film festivalında iştirak edib.
Rejissor açıqlamada bildirib ki, film 27-29 avqust tarixində İstanbulda keçirilən Beynəlxalq Qısa Film Festivalında nümayiş olunub.
Filmin əsas sujet xətti Hollandiyada yaşayan jurnalist Xatirə Sərdarqızının 28 il sonra Şuşaya qayıdışı və müharibə nəticəsində yaşadığı uşaqlıq əzablarından bəhs edir.
Nazim Şərbətov onu da qeyd edib ki, o, bu fimdə müharibənin insanlar üzərində yaratdığı psixoloji ağrı-acını, bu illər ərzində azyaşlıların əllərindən alınan uşaqlıq sevinclərini bütün həsasslığı ilə əks etdirməyə çalışıb.
Rejissor həm də taleyinə müharibə düşən insanların bu möhürlə əbədi yaşadıqlarını canlandırmağa çalışıb.
Filmın növbəti festivallrada da nümayişi nəzərdə tutulub.
