HƏMAS girov və məhbusların adları olan siyahını təhvil verib.
İnterpress.az xəbər verir ki, bu barədə Qətərin “Əl-Ərəbi Əl-Cədid” qəzeti məlumatlı mənbələrə istinadən məlumat yayıb.
İsrail və HƏMAS arasında Qəzza zolağında atəşkəs razılaşması üzrə danışıqlar vasitəçilər vasitəsilə əsirlərin adlarının mübadiləsi mərhələsinə çatıb.
Dekabrın 8-də Qahirədə Misir kəşfiyyatının nümayəndələri ilə görüş zamanı HƏMAS qarşıdakı razılaşma çərçivəsində azad edilməsi planlaşdırılan xəstə və yaşlı israilli girovların siyahısını verib.
Eyni zamanda, təşkilat azadlığa buraxılmasını istədikləri fələstinli məhbusların daha bir siyahısını təqdim edib.
Qəzetin yazdığına görə, 60 günlük atəşkəs çərçivəsində “siyahı kriteriyalarına uyğun gəlməyən” Amerika vətəndaşlığı olan dörd girovun da azad ediləcəyi gözlənilir.
Qeyd olunur ki, İsrail nümayəndə heyəti yuxarıdakı şərtləri müzakirə etmək üçün bu gün Qahirəyə gələcək.
Xuraman Etibarlı
İnterpress.az
